oli.lu e-Learning Platform News

Nei Kreativ Apps

15. November 2020, vum morzino

Mir hunn just eng nei "Konscht & Kreativitéit" Sektioun bäigefüügt mat fënnef neie kreativen Apps mat de Nimm "Sketch Art", "Color Mixer", "Mandala", "8 Bit", an "Guitar Fretboard".

Vill Spaass mam Update!
Däin Oli Team

Gudde Start an d'neit Schouljoer!

15. September 2020, vum morzino

D'Equipe vum Oli wënscht alle Schüler, Elteren an Enseiganten e gudde Start an d'neit Schouljoer!

Iwwer d'Summervakanz hu mir ganz vill weider Verbesserungen un der Plattform gemaach, déi den Homeschooling och an Zukunft wäerte méi einfach maachen.

Och den Interface vun der Plattform gouf nach eng Kéier komplett iwwerschafft, sou datt de Site nach méi user-friendly ginn ass.

Weiderhi vill Spaass mat der Plattform wënscht
Deng Equipe vum Oli

Schéi Vakanz!

16. Juli 2020, vum morzino

D'Equipe vum Oli wënscht alle Schüler an Enseignanten eng schéin an erhuelsam Vakanz!

Dëst Schouljoer war mat Sécherheet aussergewéinlech, an et ass nach ni esou vill op der Plattform geschafft ginn wéi an deene leschte puer Méint. Mir hunn zënter Mäerz versicht esou séier wéi méiglech nei Funktiounen online ze bréngen, déi den Homeschooling méi einfach a méi performant maache konnten; a mir si frou, datt mir esou ville Leit an dësem Beräich hëllefe konnten.

An der grousser Vakanz probéiere mir elo nach eng ganz Rei Suggestiounen ëmzesetzen, déi mir vu ville User kritt hunn, sou dass den Oli fir d'Rentrée 2020/2021 alt erëm mat neien Tools, Funktiounen a Verbesserunge wäert starte kënnen.

Erhuelt iech all gutt!
Deng Equipe vum Oli

E klengen Update

23. März 2020, vum morzino

D'Equipe vum Oli ass frou, dass mir esou ville Leit an deene leschten Deeg beim Léieren an Enseignéieren vun doheem aus hëllefe konnten.

Mir wëllen alle Leit Merci soen, déi eis Feedback a Suggestioune geschéckt hunn. An deene leschten Deeg hu mer wéinst der aktueller Situatioun esouvill Ufroe kritt wéi ni virdrun, lues a lues si mir awer elo rëm bäi a mir kënnen elo versichen all déi Saache sou séier wéi méiglech ëmzesetzen fir Iech d'Schaffe vun doheem aus nach méi einfach ze maachen.

Falls mir iergendeppes sollte vergiess hunn oder e Mail net sollte beäntwert hunn, dann zéckt w.e.g. net eis nach eng Kéier ze schreiwen. Falls dir nach weider Iddien hutt wéi mer eis Applikatioune weider verbessere kënnen, da schéckt eis dat roueg eran, och wa mer am Moment net alles kënnen direkt realiséieren.

Merci fir äre Support 😀

Deng Equipe vum Oli

Mam Oli vun doheem aus schaffen

16. März 2020, vum morzino

Mam Oli kanns du als Enseignant oder SchülerIn vun doheem aus schaffen, du kanns Aarbechtsblieder an Exercicer maachen, an du kanns deng Aufgaben an enger Virtueller Klass geréieren. Alles dat hëlleft, an der aktueller Situatioun weider kënnen als Klass oder Schoul ze funktionéieren.

D'Equipe vum Oli wäert dës Geleeënheet notzen, fir d'Plattform nach weider ze verbesseren. Mir schaffen all Dag drun, an du kanns eis roueg nei Iddien a Suggestioune schécken.

Déi ganz Plattform ass och zimmlech gutt dokumentéiert, all wichteg Infos fënns du op den Hëllefssäiten. Och eise Support funktionéiert natierlech riicht weider, zéck net eis ze schreiwe wann s du Froen oder Problemer solls hunn.

History & Milestones