oli.lu e-Learning Platform News

Elo schon iwwer 40.000 Biller a Fotoen an eisem Bildwierderbuch

11. Oktober 2021, vum morzino

Nëmmen dräi Méint nom Start vun eiser Fotodatebank hu mir elo scho méi wéi 40.000 fräi verfügbar Fotoen indexéiert a se no Stëchwierder, Themen a Kategorien sortéiert.

All Fotoen sinn an eisem Bildwierderbuch integréiert, an eis Sichmaschin probéiert ëmmer déi relevantst Biller ze fannen.

Bal all Biller a Fotoen am Bildwierderbuch kënne vu Schüler, Elteren an Enseignanten fräi an hire Projete sowéi och zB op Aarbechtsblieder benotzt ginn.

Vill Spaass also mat eisem gratis Bildwierderbuch, a zéck net eis Feedback ze schécken!

Deng Equipe vum Oli

E gudde Start an dat neit Schouljoer!

14. September 2021, vum morzino

D'Oli Team wënscht alle Schüler, Elteren an Enseignanten en erfollegräiche Start an dat neit Schouljoer.

An der Summervakanz hu mir vill Verbesserunge vum Programmcode gemaach, wat d'Plattform nach méi séier a méi zouverlässeg mécht, a wat déi zukünfteg Entwécklung vun neie Funktiounen weider vereinfacht.

Vill Spaass an Erfolleg mam Oli och weiderhin wënscht
Deng Equipe vum Oli

Eege Wuertlëschten elo fir all Benotzer

28. Juli 2021, vum morzino

Vun elo un kënnen all Benotzer vun der Plattform - egal ob Schüler oder Enseignanten - hir eege Lëschte mat Wierder, Verben a Vokabele maachen an se dann an den e-Learning Apps vun der Plattform benotzen.

Virdru grouf et dës Optioun nëmme fir Enseignanten an de Virtuelle Klassen, elo kann all Benotzer dës Méiglechkeet direkt um Dashboard fannen.

Zousätzlech zu Lëschte kann een och Texter späicheren, an d'Plattform kann da mat e puer Klicks eege Wuertlëschte generéieren, déi een da benotze kann fir Aarbechtsblieder oder Online-Exercicer ze generéieren.

Vill Spaass mam Update
Deng Equipe vum Oli

Bildwierderbuch elo mat Sprooch, plus eng nei Diktat-App.

19. Juli 2021, vum morzino

Mam aktuellen Update gëtt et elo eng Sprooch-Funktioun fir d'Majoritéit vun alle Wierder am Bildwierderbuch, an zwar op Englesch, Däitsch a Franséisch.

Klick einfach op d'Lautsprecher-Symbol d'Wuert auszeschwätzen ze loossen, dat grad ugewise gëtt.

Et gëtt dann elo och eng entspriechend Diktat-App, déi Wierder ausschwätzt a passend Biller affichéiert.

Vill Spaass mam Update wënscht
Deng Equipe vum Oli

Schéi Vakanz!

15. Juli 2021, vum morzino

D'Equipe vum Oli wënscht alle Schüler, Enseignanten an Elteren eng schéin an erhuelsam Vakanz.

Nodeems mer während dem Homeschooling am Joer 2020 virun allem Funktiounen entwéckelt haten, déi d'Enseignanten urgent gebraucht hunn, goufen et an dësem Schouljoer rem ganz vill nei Features, hei just e puer Highlights:

  • Billerwierderbuch elo mat Iwwer 1300 neie gemoolte Biller (elo 2800 am Total) an iwwer 10.000 Fotoen a 4 Sproochen.
  • Nei Versioun vun der Vokabel-App, mat Support vu Billerwierderbuch a Späichere vu Configuratiounen
  • 8 nei Sproochen-Apps, mat Support vu Bildwierderbuch a Späichere vu Configuratiounen.
  • Neien Design vun den Aarbechtsblieder, a Support vu QR Codes an alle Beräicher.
  • E neie Beräich mat Beispiller vun Online-Exercicer an Aarbechtsblider vun alle wichtegen Apps.
  • Direkt Links op dacks benotzten Apps, Übungen, Dateien a Websäiten ënner "Aarbechtsblieder an Übungen" an der Virtueller Klass
  • 5 nei Apps am Beräich "Konscht & Kreativitéit":  "Sketch Art", "Color Mixer", "Mandala", "8 Bit", an "Guitar Fretboard"
  • Nei Versioun vun der Hangman-App, an 2 nei Spiller (Solitaire/Klondike & Labyrinth)

D'Aabecht un der Plattform geet an der Summervakanz selbstverständlech weider, an déi nächst Neierunge si schon an der Entwécklung!

Vill Spaass an Erfolleg weiderhin mam Oli wënscht

Deng Equipe vum Oli