Benotzernumm oder E-Mail Passwuert -Passwuert vergiess?Umellen
ageloggt bleiwen

Wat ass nei um Oli ?

Rentrée 2017-2018

Mat dësem Update gi ganz vill Wënsch vu Schüler, Elteren an Enseignanten erfëllt. Mir soe Merci fir äere Feedback a freeën eis op e produktivt Schouljoer 2017/2018.
Hei sinn déi wichtegst Neierungen:

Um ganze Site

Den Design vum ganze Site gouf moderniséiert
Nei Knäppercher a nei Icons maachen de Site méi iwwersiichtlech
Am Menü gëtt et elo e Punkt "Nei", hei informéiere mir an Zukunft iwwer nei Funktiounen a Verbesserungen um Site
De Site funktionnéiert elo nach besser op Smartphone an Tablet

Virtuell Klass

Den Design vun der virtueller Klass gouf komplett iwwerschafft
D'Unzuel vun den Apps gouf vun 20 op 12 reduzéiert, ouni awer op Funktionalitéit ze verzichten
NEI! Déi nei Klassebuch-App mecht d'Gestioun vun denger Klass nach méi einfach
Du gesäis elo direkt um Dashboard wann e Schüler eng Aufgab fäerdeg huet, wann en Text muss verbessert ginn, wann eng News nach net publizéiert ass oder wann zB eng Excuse feelt.
Eng autoriséiert Klass fënns de elo direkt als bloe Knäppchen ënner "Meng Klass".

Schreibwerkstatt

Mam Status gesäis du direkt, wann en Text muss verbessert ginn
Administrativ Bréiwer kënnen elo direkt an der Schreibwerkstatt geréiert ginn
Mat de neie Statistik gesäis de op ee Bléck, wéivill Texter deng Schüler produzéiert hunn
Du kanns Texter elo och als PDF printen, ob Wonsch och mat Template/Logo

Medien, Dokumenter & Bréiwer

D'Startsäit vun der App ass elo méi iwwersiichtlech
Du kanns Verzeechnisser als Favoriten op d'Startsäit vun der App setzen
Déi nei Datei-View ass vill méi iwwersiichtlech a méi informativ

NEI! Blog & Web

All Web-Tools sinn elo an enger eenzeger App regroupéiert
Am Blog kanns de elo e ganzt Biller-Verzeechnis op ee Coup auswielen
"Meng Klass online" erlabt et, deng Klassesäit direkt um Oli ze publizéieren (Detailer weider ënnen)
Am Website-Manager ginn et ganz vill Verbesserungen am Detail
Online Publikatiouns-Tools wéi Wiki a Webbook fënns de elo och hei, an zwar ënner "Online Projeten"
Ënner "Info & Hëllef" kanns de selwer Instruktiounen fir d'Publikatioun späicheren

Feeds & Diskussiounen

E puer Verbesserungen am Detail goufe virgeholl

Wocheplang

Du kanns fir all Aufgab Optiounen uginn (Buch, Heft, Dossier, etc...)
De Numm vum aktuelle Wocheplang gëtt elo mat erausgeprint
Progrès gi besser duergestallt (par rapport zum Dag virdrun)
Beim Späichere vun engem Schüler kanns de eng Notiz maachen, déi dann am Klassebuch gespäichert gëtt

Zieler & Aufgaben

E puer Verbesserungen am Detail goufe virgeholl

Evaluatioun & Portfolios

E Bug gouf behuewen deen et heiansdos verhënnert huet, e neie Portfolio opzemaachen

e-Learning Apps

D'Integratioun mam Klassebuch a mat aneren Apps gouf verbessert
Als nei App ginn et elo d'MILA Biller (Detailer weider ënnen)

NEI! Klassebuch

Dës komplett nei App bitt ganz nei Méiglechkeeten an iwwerhëllt awer och eng Rei wichteg Aufgaben, déi een bis elo an den Astellunge fonnt huet
Am Klassebuch kanns de vu Woch zu Woch bliederen an deng Stonnen, Aufgaben, Hausaufgaben an Absencen androen
D'Klassebuch warnt, wann eng Excuse zu enger Absence feelt
Abscencen kënnen zum Schluss vum Trimester fir all Schüler berechent ginn (dës Funktioun gëtt an Zukunft iwwer LuxTrust gesëchert)
Am Klassebuch kanns du elo och deng Schüler, deng Fächer, däi Stonneplang an den Todos geréieren
Du kanns deng eege Wierderlëschten geréieren, déi an Zukunft dann och an den e-Learning Apps kënne genotzt ginn
Du kanns Notizen direkt am Klassebuch späicheren

Kalenner

Du kanns eng grouss analog Auer uweise loossen
Mam Timer kanns du e Countdown maachen, vun enger Minutt bis zu engem Evenement an e puer Joer

Meng Schoul

E puer Verbesserungen am Detail goufe virgeholl

Bibliothéik

D'Bibliothéik verlinkt wéi gewinnt op den edulibrary.lu

Schoulklass.lu / Klassen-Homepage

Du kanns elo de Contenu vun denger Klass online setzen, ouni en eegene Website opzemaachen
Du kanns deng eege Subdomain op www.schoulklass.lu wielen (zB "beispill.schoulklass.lu")
Publizéier däin eegene Klasse-Blog mat News a Biller
Setz Informatiounen a Form vun engem Wiki online
Publizéier Fotoën an Dokumenter
Schülertexter, déi an der Schreibwerkstatt geschriwwe goufen, kënnen automatesch publizéiert ginn
Publizéier däi Stonneplang, däi Kalenner an deng Kontakt-Informatiounen
Du kanns alles iwwer d'App "Blog & Website" an denger virtueller Klass configuréieren

Deng eegen Homepage

Am perséinleche Profil kann een elo wielen, wat fir eng Informatiounen op der Homepage ugewise ginn
Et gëtt elo eng personaliséierbar Säiteleescht
De neien Editor-Modus mëcht et méi einfach, deng Homepage à jour ze halen

E-learning Apps

Un deene meeschten Apps goufen eng Rei Detailverbesserunge gemaach.

NEI! MILA Biller

Iwwer 1000 MILA-Biller sinn elo online, an du kanns se bequem no Titel duerchsichen

Du hues Suggestiounen?

Wann dir e Feeler opfällt, wanns du eng Iddi hues fir eppes ze verbesseren oder wann dir eng Funktioun feelt, dann zéck net fir eis ze schreiwen!

Du wëlls eng Présentatioun vum Oli?

Du bass Enseignant a wëlls déi wichtegst Saachen um OLI eng Kéier gewise kréien? Kee Problem, mir bidde Présentatioune fir Schoulen a Klassen un, wou mir och ganz vill Froe beäntwere kënnen. Kontaktéier eis, wanns de interesséiert bass!

Du brauchs Hëllef mat der virtueller Klass?

Eis Tools sinn esou gemaach, dass ee meeschtens selwer eens gëtt. Trotzdem ginn et heiansdos Froen oder Problemer (oft och organisatorescher Natur), wou een net direkt weider wees. Zéck net eis ze mailen, wanns de Froen hues!
Advertisements
Jugendschutz - InfoRegele vun der CommunityPrivatsphärKontakt / Problemer melden
©2008-2018 Joopita Research a.s.b.l | About | Donations | Sponsoring | Advertising | Support | Press
Copyright | Disclaimer | Privacy Policy | Terms of Use | Contact Us